Ne so guasi à lamentami
Cume u castagnu indu i tempi
Chì si piense di u corsu
Chì u lasciò à l’addisperu
Mi sentu abandunatu
Cume un cane invechjatu
Aspittendu di a morte
L’ultimu viaghju
Fate avà so chi purebbe
Parà l’usura di u tempu
Impedisce ssa disgrazia
Di vede l’arca sprufundata
Appiate sana cuscienza
D’ùn dispiace à nostri antichi
Chì sempre anu rispettatu
A ghjente è i so usi
Rendite à i passigeri
U piacè di passà l’Ascu
Nantu à e mo schiene fiere
Chì dapoi tant’anni
Aiudonu ghjente è fere
Cume i vechji niulinchi
L’addubronu indu e impiaghjere
Vittima sò, d’un fattu ingratu
Avà vi tocca à rimettu in statu
Un ghjuvellu di u nostru patrimoniu
E di a nostra storia lucale
Date seguita à stu lamentu
Salvu sarà u nostru onore

Paulu Migliu GRISONI
« Polo di u Ponte », Aostu 2024